無線屠殺網大事回顧: 12月 2004

總結 2004 年出現於翡翠台的 tvbN 小花名單

總結 2004 年出現於翡翠台的 tvbN 小花名單：趙海珠、林燕玲、林小珍、張鷺玲、余嘉敏、劉銘欣、張頌恩，而最後一個 tvbN 小花始祖的羅若安亦於Ｏ五年一月登錄翡翠台。

總結 2004 年無線新聞離職名單

總結 2004 年無線新聞離職名單（排名不分先後）：李燦榮、莫而端、許秋霞、林中義、何錦欣、張婉玲、陳智燊、黃應士、羅燦、張志剛、謝彩雲、譚衛兒、陳鐵彪、嚴劍豪、劉韻清、林定勤、黃潔慧、趙麗如、鄧韻芝、蕭揚文、靳清松、任羡芳、蘇煥娟、韓燕瓊、方綺婷、林智偉 … …

盧愛玲重返 TVB 做經理

自從羅燦、張志剛同謝彩雲三巨頭劈炮唔撈之後，好多高級既職位仍懸空，助理新聞總監袁志偉話，唔只冇裁員壓力，重要請番 ? 人添。言下之意佢唔止已達到六嬸慳家標準，肯定有過之而冇不及。

咁呢個世界永遠係有人辭官歸故里，有人漏夜趕科場，花仔（袁志偉外號）亦知道要快快搵人做野，Ｏ五年一月三號，前馬會大公關盧愛玲會走馬上任，填補彩雲既空缺，當無記新聞部經理，咁當然有房坐，所謂世界輪流轉，盧小姐當年做過 TVB 記者，今日回朝歸隊，重做左高層。盧小姐見慣大場面，做過新聞處、報館同雜誌，又跑過立法會，經驗夠晒，英文又勁。

大屠殺踏入一周年，有人自己爆料，Ｏ四年底前黎見工只係見無記，唔知點解圓圓話，有個經理位無人做，不如你做啦。就係咁樣就上左馬，仲係一隻一路加速既顛馬。好快會跌落黎。

報章報導
蘋果日報：盧愛玲重返 TVB 做經理

伍晃榮家人 FAX 去港台話阿盲Ｏ五年退休

消息話伍晃榮既屋企人 FAX 去港台節目「瘋 SHOW 快活人」，話阿盲將於 2005 年退休。伍晃榮自 1982 年由麗的電視（亞視前身）轉職無線，一直當體育記者至今。阿盲多年前已經夥拍花仔報新聞，不過就估唔到花仔坐正之後會抽秤番佢。昔日袁志偉、李汶靜及伍晃榮三人同時坐在幕前；三人命運迥異，李汶靜於二千年尾病逝，袁志偉就升上神檯，伍晃榮卻被迫劈炮。

八九年六四過後，新聞部訪問李鵬，但在鏡頭前大家就見到阿花衝前扮狗，同屠夫（李鵬）握手，相反隨行的李汶靜就故意回避唔同屠夫握手。圓花仔因此事一直被同行不齒，被左派激讚，但將此事提起，或將其與李小姐比較，一直為其大忌諱，後輩大多不知此事，故其一直可向後輩扮道貌岸然，扮其持平守中。二人是否不妥，已無須深究，但多年來二人無計傾，則有目共睹。其實除左一隻手可以數晒咁多個人多年來肯同圓先生傾下計外，同期所有人都唔願同佢交往，以致圓先生十分憎恨同期同事，其中尤以三兄妹尤甚，今次大屠殺被裁的老臣中，其實不少也是十多年前曾跟他結下樑子。